JACOBUS Schmidelinus

JACOBUS Schmidelinus

seu Andreae, Theologus Luth. cum Brentio et Flaccio, dogma de Ubiquitate corporis Christi, quod Academia Wittebergensis et Lipsiensis oppugnabant, acriter ursit, cum vehementis ingenii eslet, Wittebergensium sententiam pro Mahometana habere se dicens. Hinc lites coram Aug. Electore, delationes, conventus, tandem Torgae formula Concordiae conscripta, cui qui subscribere renuebant, sub custodiam missi, extra fines eiecti, etc. Haec Bergensi postmodum Monasterio, A. C. 1577. a Smidelino, Musculo, Selneccero, Chemnitio, Chytraeo et Cernero sollenniter stabilita ac promulgata, omnibus Ecclesiis diversum sentientibus anathema dixit, plurimis Principibus attonitis, Friderico Daniae Rege subscriptionem suis prohibente. Ad extremum ipsi Electori exosus, Decessit. A. C. 1589. Postquam et cum Beza, irrito succeslu, collocutus esset.